Meistä (meänkieli)

Tietoja Riksutställningarista

Riksutställningar on ekspertti- ja resyrsivirasto myseymmi alan kehitykselle ja yhteistyöle. Met tukeama ulkomailman analyysiä, metuutikehitystä ja neuvonantoja missä teurii ja praktiikki riippuvat tiukasti toishiin.

Jokku myseymmialan keskeisistä tarpheista koskevat myseymmin kehitystä osana yhteiskuntaa ja sen fynksjuunista. Se on esimerkiks kysymyksiä kuin ette lua toimivalla tekniikala fleksiibeliä näyttelyitä huomispäiväle. Se koskee kans kysymyksiä kuin ette lua yhteistyötä yhteiskunnan sisältäväle areenoile. Sen takia met keskeytymä tuele sekä teureettiselle ette praktiselle metuutin kehityksele, neuvonantamiselle ja yhteistyöle myseymitten ja näyttelyjöitten kans.

Meilä on kontturi ja styytiu Visbyssä. Mutta yhteistyöprujektissa myseymitten ja näyttelyaktööritten kans met toimima monessa eri paikassa.

Työn tulokset tehhään käytettäväks monessa muotossa, esimerkiks raporttissa, artikkelissa, podcastissa, koulutuksissa ja konferensissa. Tavote on ette levittää tietoja kaikile jokka on töissä myseymmi- ja näyttelytoiminassa.

Ota yhteyttä jos sulla on kysymyksiä ja ideoita yhteistyöstä. Tervetuloa Riksutställningarhiin!